André Kuster Cid aus Domingo Martins / Brasilien über Hunsricker und Fußball als Bindeglied zwischen Deutschland und Brasilien
Fussball: een geographische un historische Brigg zwichisch Brasilie un Daitschland
Ich nehme an, die meest daitschläner sin desse bewussd, dass een grosse Welle von Auswanerer hon Siedwestdaitschland verlosse un no Sied- un Nordamerika am en vom 19n Joorhunerd immigrierd sin. Awer ich sin mir net so sicher ob es generell bekannd is, was mid diese Lait späder passierd is. Najo, mir sin angekomm, mir hon uns an een naie Realität angepassd, mir hon uns vervielfachd un sin aus Dausende Millione geb. Ich wiss, das is schweerlich se glaawe, awer no dem Portugiesische is de Pälzische Dialekt, wo mir eenfach “Hunsrickisch” nenne duun, die zweet meest geschwätzd Sprooch in Brasilie. “Hunsricker” gebt´s in Brasilie iiwerall, besonders im Sied awer aach in Middel- un Nordbrasilie. Dorich das Internet un een gemeinsame Interesse an Fussball, hon ich die gelecheenheed gehad, mid Hunsrücker von Daitschland se schwätze. Das war een extra Erfahrung fer mich, wo nie forheer mid een Daitschläner uf Platt kommunizierd hade. Die Daadsache, dass mir aach no 150 Joor immer noch mid naner spreche kenne kam aach wie een sehr angenehm iiwerraschung. Die Daitsche hon scheen gespield un die meest Brasilianer werre fer Daitschland sin bei de Finale. Awer de wichtichste fine ich dass aach naie Verbindunge un Kulturelleaustausch gewonn geb sin, wo hoffentlich die Fraindschat zwichisch unser Länner noch stäriker mache werre.
André Kuster-cid Psychologe un Sproochwissenschaftler, finefter Generation Hunsrickscher Auswannerer.